Sali zäme

Euse geliebti Ndaim-Cup isch verbi und ich möcht mich bi allne für eui Teilnahm bedanke.

De Friitig isch super gsi, au wenns chli weniger hetti chöne rägne😉. Es hät vill Lüüt gha und es isch e sehr gueti Stimmig gsi.

Leider hämmer am Samstig nöd so vill Glück gha, nachem Mittag hämmer schweren Herzens müesse sTurnier abbräche, da de Platz kei Fuessbal meh zueglah hät!! Das tuet mir natürlich mega leid…

Das hät au zur Folg gha, dass mir sganze Abigprogramm (Band, DJ, etc.) händ müesse absäge, da eifach au kei Lüüt meh ume gsi sind.

Isch logisch, dass mir werded finanziell es Minus mache, ich hoffe nöd zvill.

Ich dänke, dass die meiste werded verstah, dass mir kei Teilnahmegebühre chönd retour zahle, will für sWätter chömmer nüt und jetzt müemer luege, wie mir mit dem Rückschlag umgönd!!

Falls ihr irgendwelchi Frage, Kritike oder Amärkige händ, bitte zu mir cho, ich stah eu gern zur Verfüegig😉

Gruess

Reto

(Präsident NDAIM)